Ընդունելության դիմումների հայտագրումն իրականացվում է առցանց եղանակով՝ dimord.emis.am հարթակում։ Դիմորդի կողմից դիմում-հայտը և փաստաթղթերը էլեկտրոնային եղանակով ընդունվում են կրթության կառավարման տեղեկատվական համակարգում ընդունելության մեկնարկի վերաբերյալ հայտարարության հրապարակման օրվանից սկսած։ Դիմորդների կողմից դիմում-հայտերը կրթության կառավարման տեղեկատվական համակարգում կարող են փոփոխվել մինչև գործերի ընդունման օրվա ավարտը։ Ներկայացված փաստաթղթերի թերի լինելու դեպքում դիմորդի դիմում-հայտը մերժվում է։
Դիմում-հայտի լրացման համար անհրաժեշտ են՝
- դիմորդի անձնական տվյալները
- հանրային ծառայության համարանիշը կամ օրենքով սահմանված կարգով դրանից հրաժարվելու մասին տեղեկանքի համարը
- 4 հատ 3x4 չափի լուսանկար
- կրթության մասին փաստաթուղթը /դիպլոմի դեպքում նաև ներդիրը/
- անձը հաստատող փաստաթղթի պատճենը /անձնագիր, կամ ծննդյան վկայական՝ մինչև 16 տարեկան դիմորդի համար, կամ զինվորական գրքույկ, կամ ՀՀ ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական/
- քոլեջի հաշվեհամարին /ՀՀՖՆԳՎ Հ/Հ 900138000154/ փոխանցած գումարի /միջին մասնագիտական կթրության մասնագիտությունների համար՝ 1000 դրամ/ անդորրագրի պատճենը
- կցագրման վկայականի պատճենը /զորակոչային տարիք ունեցող դիմորդից ընդունվում են զինհաշվառման փաստաթղթերում տարկետման իրավունք տվող համապատասխան նշումի կամ չզորակոչվելու պատճառը հաստատող այլ նշումների առկայության դեպքում, իսկ նախկինում առողջության պատճառով տարկետում ունեցողներից՝ Հանրապետական զորակոչային հանձնաժողովի նշումների առկայության դեպքում/
- ընդունելության արտոնության իրավունքը հաստատող փաստաթղթի պատճենը /առկայության դեպքում/
- իր ընտրած մասնագիտության համար պահանջվածից ավելի բարձր կրթության ավարտական փաստաթղթի պատճենը /առկայության դեպքում/, ինչպես նաև այդ մասնագիտությանը համապատասխան՝ վարպետային ուսուցման որակավորման կամ կարճաժամկետ դասընթացի վկայականի պատճենը /առկայության դեպքում/
- միջազգային և հանրապետական մրցույթների /օլիմպիադաների, փառատոնների/ դիպլոմների պատճենները /առկայության դեպքում/
- աշխատանքի վայրից տեղեկանքի պատճենը /առկայության դեպքում/
